Tag Archives: بىلدۈرگۈ

يەنە يېرىم يىل

ئارىدىن يەنە يېرىم يىل ئۆتۈپ كېتىپتۇ. «يىللار ۋاقىتنىڭ ئەڭ چوڭ يورغىسى» دەپ بىكار يازماپتىكەن شائىرىمىز. ئالدىنقى يازمىدا يازغانلىرىم راست بولۇپ چىقتى…
‏مەزكۇر يازمىنى ناھايىتى ئەپسۇسلۇق بىلەن يوللىماقتىمەن. چۈنكى بۇ مەزكۇر بىلوگىمدىكى ئاخىرقى يازما بولۇپ قالىدۇ. ئەمدى بۇ بىلوگ يېڭىلانمايدۇ! ئۇزۇندىن بۇيان مېنى قوللاپ كەلگەن، بىلوگىمغا قەدەم تەشرىپ قىلىپ تۇرغان تورداشلارغا رەھمەت ئېيتىمەن. كۈنلەرنىڭ بىرىدە تور يۈزىدە يەنە دىدارلىشىشقا نېسىپ بولغاي!

Advertisements

بۇ يىللىق 10 نادىر بىلوگ

كومپيۇتېر ھەۋەسكارلىرى چەكلىك شىركىتى تەشكىللىگەن «ئۇيغۇرلاردىكى 2012-يىللىق 10 نادىر بىلوگنى باھالاش پائالىيىتى» ئوڭۇشلۇق ئاخىرلىشىپ، نادىر 10 بىلوگ تاللاپ چىقىلىپتۇ. شۇڭا مەنمۇ بىلوگىمدىكى ئۇلانمىنى تەھرىرلەپ قويدۇم. پائالىيەتنىڭ تەپسىلاتىنى بۇ يەردىن كۆرۈڭ:
http://bbs.xjcfan.com/thread-3154-1-1.html

‏يەنە قاتتىق يەر تەۋرىدى

‏بۈگۈن كەچ سائەت 5:18 لەر ئەتراپىدا ئۆتكەن يىلقى بىلەن ئاساسەن ئوخشاش ئورۇندا يەنە M7.3 دەرىجىدە كۈچلۈك يەر تەۋرىدى. توكيوغا 4 بال تەسىر قىلدى. تەۋرەش مەركىزىگە يېقىن دېڭىز بويى رايونلىرىدا دېڭىز تاشقىنى ئاگاھلاندۇرۇشى تارقىتىلىپ باياتىن بىكار قىلىندى. ھازىرچە ئون نەچچە كىشى يارىلانغاننىڭ گېپى بار. بىز ساق- سالامەت. ھازىر پويىزدا ئۆيگە قايتىۋاتىمەن.

ۋوردپرەس 3.5 كاندىدات تارقىتىلما نەشرى

بۈگۈن ‏قارىسام ۋوردپرەس ئورگان تورىدا 3.5 كاندىدات تارقىتىلما نەشرى تارقىتىلىپتۇ. رەسمىي نەشرى ئىككى ھەپتىدىن كېيىن چىقىدىكەن. يىل ئاخىرىدىكى ئالدىراشچىلىقلارغا گەپ توغرا كەلمەيۋاتقان ھازىرقىدەك ۋاقىتتا ئۇيغۇرچە تەرجىمىسىنى ماس قەدەمدە تارقىتىشقا مۇمكىن بولامدۇ- يوق، ھازىرچە بىر نەرسە دېگىلى بولمايدۇ. بىر- ئىككى ھەپتە كېچىكىپ كېتىشى ئېھتىمالغا يېقىن تۇرىدۇ.

ۋوردپرەس 15 مىڭ قېتىم چۈشۈرۈلدى

ۋوردپرەس 3.4 نەشرى 14- ئىيۇندا تارقىتىلغاندىن تارتىپ ھازىرغىچە 3.4~3.4.2 نەشرىنىڭ 50 خىل تىلدىكى نەشرى جەمئىي 19 مىليون 520 مىڭ قېتىمدىن، ئۇيغۇرچە نەشرى 15 مىڭ قېتىمدىن ئارتۇق چۈشۈرۈلدى. ئۇنىڭ يېقىندا چىققان 3.4.2 نەشرىنىڭ ئۇيغۇرچە تارقىتىلمايدىغانلىقى ئاساسەن مۇقىملاشتى. نۆۋەتتە 3.5 نەشرىنىڭ 1- سىناق نۇسخىسىنى سىناش باشلاندى. كېيىنكى قېتىم 3.5 رەسمىي نەشرى ئۇيغۇرچە تارقىتىلىدۇ.

ئون نادىر بىلوگنى باھالاش باشلىنىپتۇ

2008–يىلدىن بۇيان يۈكسەل بىلوگى تەشكىللەپ كېلىۋاتقان «ئۇيغۇرلاردىكى 10 چوڭ بىلوگ»نى باھالاش پائالىيىتى بۇ يىلدىن باشلاپ كومپيۇتېر ھەۋەسكارلىرى چەكلىك شىركىتىنىڭ مەسئۇللۇقىدا ئېلىپ بېرىلىدىكەن. نۆۋەتتە «ئۇيغۇرلاردىكى 2012-يىللىق 10 نادىر بىلوگنى باھالاش پائالىيىتى» نىڭ نامزات قوبۇل قىلىش باسقۇچى باشلىنىپتۇ.
مەنبە: كومپيۇتېر ھەۋەسكارلىرى مۇنبىرى http://bbs.xjcfan.com/thread-3031-1-1.html

ۋوردپرەس 10 مىڭ قېتىم چۈشۈرۈلدى

ۋوردپرەسنىڭ 3.4 نەشرى 14- ئىيۇندا تارقىتىلغاندىن تارتىپ ھازىرغىچە، ئۇنىڭ ھەر قايسى تىللاردىكى ئومۇمىي چۈشۈرۈلۈش قېتىم سانى 10 مىليون 688 مىڭدىن ئاشقان بولۇپ، ئۇيغۇرچە نەشرىمۇ 10 مىڭ قېتىمدىن ئارتۇق چۈشۈرۈلۈپتۇ. ھازىرمۇ ئومۇمىي ساندا ئوتتۇرىچە سېكۇنتىغا ئىككى قېتىمدىن چۈشۈرۈلۈۋېتىپتۇ.( مەنبە؛ http://wordpress.org/download/counter/)