Monthly Archives: October 2011

پروگراممىنىڭ كۈچى

تۆت كۈن ۋاقىت سەرپ قىلىپ تۈزۈپ چىققان بىر پروگرامما ئارقىلىق ئۈچ يېرىم سائەت ئىچىدە ياپونچە بىر تور بەتتىنلا 2 مىليون 500 مىڭ خەتلىك سانلىق مەلۇمات يىغىلىپتۇ. بۇ تور بەتتىكى مەزمۇنلارنىڭ 20 پىرسەنتى ھەقلىق ئىكەن، ئاۋال ھەقسىز مەزمۇنلارنى يىغىپ تۇردۇق. ئەمدى ئۇنىڭ ئىنگىلىزچىسىنى يىغىشقا كىرىشىمىز.

Advertisements

يېن رېكورت يېڭىلىدى 2

بۈگۈنكى توكيو پايچەك بازىرىدا بىر مەھەل بىر ئامېرىكا دوللىرى 75.98 يېنغا ئالماشتۇرۇلۇپ، يېننىڭ قىممىتىدە 2- دۇنيا ئۇرۇشىدىن كېيىنكى ئەڭ يۇقىرى رېكورت يارىتىلدى.( مەنبە: ياخۇ تورى، 時事通信 10月26日(水)10時6分配信) بۇنىڭغا ماس ھالدا، جۇڭگو بانكىسىدىكى باھادا 100 ياپونىيە يېنى خەلق پۇلىغا 8.0797 يۈەنگە توغرا كەلدى.( مەنبە: جۇڭگو بانكىسى تور بېتى)

LinkedIn ياپونچە بەت ئاچتى

دۇنيادا 120 مىليون ئىشلەتكۈچىگە ئىگە بولغان، سودا ئۇچۇرلىرىنى ئاساس قىلغان يەنە بىر SNS تورى LinkedIn بۈگۈن ياپونچە تور بېتىنى ئېچىش بىلەن بىر چاغدا توكيونىڭ شىبۇيا رايونىدا ئىشخانا تەسىس قىلىپ، ياپونىيىگە رەسمىي سىڭىپ كىردى. http://www.linkedin.com
( مەنبە: ياخۇ تورى، RBB TODAY 10月20日(木)15時20分配信)

«ماروژنا ساندىۋىچى» چىقتى

گۇگۇل شىركىتى ئاندرويىد سۇپىسىنىڭ ئىشلەتكۈچى ئارا يۈزى يېڭىلانغان، ئايلىق ئېقىم مىقدارىنى تەكشۈرۈش، قۇلۇپلانغان ئېكراندا تۇرۇپمۇ سۈرەتكە تارتىش، ئېكران قۇلۇپىنى چىراي تونۇپ ئېچىش قاتارلىق نۇرغۇن يېڭى ئىقتىدارلار قوشۇلغان يېڭى نەشرى- «ماروژنا ساندىۋىچى» Ice Cream Sandwich نى ئاخىرى ئېلان قىلدى. http://bit.ly/r4iOMA

2010- يىللىق ئوتتۇرىچە كىرىم

دۆلەت بېجى نازارىتىنىڭ 2010- يىل 31- دېكابىرغىچە بولغان سانلىق مەلۇماتلار ئاساسىدىكى مەلۇماتىدا كۆرسىتىلىشىچە، 14 تۈرگە ئايرىلغان بارلىق كەسپلەرنىڭ 2010- يىل ئىچىدىكى ھەر بىر ئىشچى- خىزمەتچىنىڭ يىللىق ئوتتۇرىچە كىرىم سەۋىيىسىدە «توك، گاز، ئىسسىقلىق بىلەن تەمىنلەش، سۇ ئىشلىرى» 69 مىليون 600 مىڭ يېن بىلەن 1- ئورۇندا، «پۇل- مۇئامىلە، سۇغۇرتا ئىشلىرى» 58 مىليون 900 مىڭ يېن بىلەن 2- ئورۇندا، «ئۇچۇر ئالاقە ئىشلىرى» 56 مىليون 400 مىڭ يېن بىلەن 3- ئورۇندا، «ئىلمىي تەتقىقات، كەسپىي- تېخنىكىلىق مۇلازىمەت ئىشلىرى» ۋە «مائارىپ، ئۆگىنىشكە ياردەم بېرىش ئىشلىرى» 50 مىليون 900 مىڭ يېن بىلەن 4- ئورۇندا، «مېھمانخانا، يېمەك- ئىچمەك مۇلازىمەت ئىشلىرى» 24 مىليون 700 مىڭ يېن بىلەن ئەڭ ئاخىرقى ئورۇندا تۇرغان.( مەنبە: MSN تورى، 2011年10月15日 11:00 R25)