Monthly Archives: February 2011

ۋوردپرەس 3.1 ئىنگىلىزچە نەشرى چىقتى

ۋوردپرەس 3.1 ئىنگىلىزچە نەشرى 22- فېۋرالدىن باشلاپ رەسمىي توردا تارقىتىلىشقا باشلىغان بولۇپ، 18 سائەت ئىچىدىكى چۈشۈرۈلۈش قېتىم سانى 250 مىڭدىن ئاشقان. شۇغىنىسى، خىزمەت ئالدىراشچىلىقى سەۋەبىدىن ئۇيغۇرچە نەشرىنى دەرھال تارقىتىشقا مۇمكىن بولمىدى. كېلەر ھەپتىنىڭ باشلىرىغىچە تەخىر قىلىپ تۇرغايسىلەر.

Advertisements

ئارسېنال كېلىدىكەن

سانكېي تەنتەربىيە خەۋەرلىرىدىن مەلۇم بولۇشىچە، ئەنگىلىيە گېزىتلىرىدە ئارسېنال كاماندىسىنىڭ ئىيۇلنىڭ ئاخىرى ياپونىيىگە كېلىدىغانلىقى ھەققىدە ئۇچۇرلار بېرىلگەن. بۇ ئىش ئەمەلىيلىشىپ قالسا، ئارسېنال كۇلۇبى جەمئىي بىر مىليون 500 مىڭ فوند- ستېرلىڭ (تەخمىنەن 2 مىليارد ياپونىيە يېنى) كىرىم قىلىشى مۇمكىن ئىكەن.( مەنبە: سانكېي تەنتەربىيە خەۋەرلىرى- ياخۇ تورى)

ئاندرويد 3.0 تارقىتىلدى

گۇگۇل شىركىتى 22- چېسلا ئاندرويد 3.0 SDK نىڭ رەسمىي نەشرىنى تارقاتتى. چۈشۈرۈپ تۇنجى قىلغان ئىشىم تور كۆرگۈچتە بىلىك كۇلۇبىنى زىيارەت قىلىش بولدى. بىر قانچە ھەرپنىڭ ئورنىغا كاتەكچە چىقىۋالغاننى ھېسابقا ئالمىغاندا تور بەت نورمال كۆرۈندى.

ئالدىراشچىلىق …

بۇ ھەپتىنىڭ ئاخىرىدىكى كاماندىروپكىنىڭ تەييارلىقى بىلەن بۇ بىر نەچچە كۈن بىراقلا ئالدىراش بولۇپ كەتتىم. ئەقلىيفوندا يازما يوللاشنى ئەمەلگە ئاشۇرۇپ بولغىچە بۇرۇنقى ئۇسۇلدا ئالدىرىماي يازما يېزىپ تۇراي.

نىسسان: توكلۇق ماشىنا

نىسسان (日産) شىركىتىنىڭ پۈتۈنلەي توكتا ھەرىكەتلىنىدىغان يېڭى تىپتىكى ماشىنىسى «Leaf- ياپراق» بىر قېتىملىق زەرەتلەشتە 200 كىلومېتىر ماڭالايدىكەن. زەرەتلەشكە پەقەت 30 مىنۇتلا كېتىدىكەن.( مەنبە: ئاساخى تېلىۋىزىيىسى)

گالاكسىي ئېس ۋە ئۇيغۇرچە

تۈنۈگۈن سامسۇڭ شىركىتىنىڭ ئەقلىيفونى گالاكسىي ئېسنى ئېلىپلا، ئاندرويدتا ئىشلەيدىغان ۋوردپرەسنى قاچىلاپ، قۇتبىلىك كىرگۈزگۈچىنى ئىشلىتىپ بۇ بلوگقا يازما يوللاپ باققان ئىدىم. شۇغىنىسى، ھەرپلەر پەقەتلا ئۇلانماپتۇ. تور بەت كۆرگەندىغۇ ئۇلانماي چىقسا مەيلى ئىدى، ئەمدى بىرەر نەرسە يازسىمۇ ئۇلانمىسا، قانداق قىلىدىغان ئىشكىن…

ئاندرويد كومپيۇتېرى ياپونىيىدە

ئېن ئى سى (NEC) شىركىتىنىڭ ئاندرويد 2.2 قاچىلانغان خاتىرە كومپيۇتېرى 10- مارتتىن باشلاپ سېتىلىدىكەن. 7 سۇڭلۇق سەزمە ئېكران سەپلەنگەن بۇ كومپيۇتېرنىڭ 3GS ئىقتىدارىغا ئىگە بولغىنى 5.5 تۈمەن يېن، سىمسىز LAN ئىقتىدارى بار بولغىنى 4 تۈمەن يېندىن سېتىلىشى مۇمكىن ئىكەن. (مەنبە: ياخۇ تورى)