مىكروسكوپتىكى ياپونىيە

ھازىرقى ‏ياشلارنىڭ ئېھتىياجى 2

مۇرشىدى — Tue, 22 Jan 2013 15:28:48 +0000

‏بۇ 400 نەپەر ياشتىن ھەر ئايدا بىمالال ئىشلىتەلەيدىغان پۇلىنى سورىغاندا، بىر تۈمەن يېن ئىچىدە ئىشلىتەلەيدىغانلار 46.3 پىرسەنت بىلەن بىرىنچى ئورۇندا تۇرغان. بىر تۈمەن يېندىن ئۈچ تۈمەن يېنغىچە بولغانلار 34 پىرسەنت، ئۈچ تۈمەن يېندىن بەش تۈمەن يېنغىچە بولغانلار 11 پىرسەنت بولۇپ چىققان.
‏مەنبە: MSN تورى، 2013年1月8日 11:00 R25‏

ھازىرقى ‏ياشلارنىڭ ئېھتىياجى 1

مۇرشىدى — Wed, 09 Jan 2013 11:29:53 +0000

تۆۋەندىكىسى ئۆزى ئېھتىياجلىق نەرسە توغرىلىق ياشلاردىن 400 كىشىگە قارىتا ئېلىپ بېرىلغان راي سىناش نەتىجىسى:
يىگىتلەر: 1. ئەڭ يېڭى كومپيۇتېر 2 .ئەڭ يېڭى ‏ئىدراكلىق تېلېفون 3. ماشىنا 4. ئويۇن دېتاللىرى 5. ئەڭ يېڭى تاختا كومپيۇتېر
‏قىزلار: 1. مودا ئۆي جاھازىلىرى 2. تۇرالغۇ ئۆي 3. ئەڭ يېڭى كومپيۇتېر 4. ماشىنا 5. ئەرمەك ھايۋان
‏مەنبە: MSN تورى 2013年1月8日 11:00 (R25)

بۇ يىللىق 10 نادىر بىلوگ

مۇرشىدى — Tue, 25 Dec 2012 15:02:40 +0000

كومپيۇتېر ھەۋەسكارلىرى چەكلىك شىركىتى تەشكىللىگەن «ئۇيغۇرلاردىكى 2012-يىللىق 10 نادىر بىلوگنى باھالاش پائالىيىتى» ئوڭۇشلۇق ئاخىرلىشىپ، نادىر 10 بىلوگ تاللاپ چىقىلىپتۇ. شۇڭا مەنمۇ بىلوگىمدىكى ئۇلانمىنى تەھرىرلەپ قويدۇم. پائالىيەتنىڭ تەپسىلاتىنى بۇ يەردىن كۆرۈڭ:

http://bbs.xjcfan.com/thread-3154-1-1.html

Windows 8 ئۇيغۇرچىلاشتى

مۇرشىدى — Wed, 12 Dec 2012 08:43:41 +0000

Windows 8 نىڭ ئۇيغۇرچە تىل بولىقىنىڭ رەسمىي ئېلان ‏قىلىنغانلىقىنى قىزغىن تەبرىكلەيمەن! ئالىمكا، جاپا چەكتىڭىز!

http://www.alimahat.com/?p=2194

‏يەنە قاتتىق يەر تەۋرىدى

مۇرشىدى — Fri, 07 Dec 2012 12:21:54 +0000

‏بۈگۈن كەچ سائەت 5:18 لەر ئەتراپىدا ئۆتكەن يىلقى بىلەن ئاساسەن ئوخشاش ئورۇندا يەنە M7.3 دەرىجىدە كۈچلۈك يەر تەۋرىدى. توكيوغا 4 بال تەسىر قىلدى. تەۋرەش مەركىزىگە يېقىن دېڭىز بويى رايونلىرىدا دېڭىز تاشقىنى ئاگاھلاندۇرۇشى تارقىتىلىپ باياتىن بىكار قىلىندى. ھازىرچە ئون نەچچە كىشى يارىلانغاننىڭ گېپى بار. بىز ساق- سالامەت. ھازىر پويىزدا ئۆيگە قايتىۋاتىمەن.

‏يەنىلا شۇ ئالدىراشچىلىق

مۇرشىدى — Thu, 06 Dec 2012 11:54:15 +0000

‏يېقىندىن بۇيان كۈنلەر «تارىختا مىسلى كۆرۈلمىگەن» دەرىجىدىكى ئالدىراشلىق ئىچىدە ئۆتۈۋاتىدۇ. دوكتورلۇق ئوقۇشىنى تاماملايدىغان چاغدىمۇ بۇنچىۋالا ئالدىراش ئۆتكەنلىكىم ھېچ يادىمدا يوق. قىلىدىغان ئىشنىڭ كۆپ بولغىنى ئەلۋەتتە ياخشى ئىش. ئىنشائاللاھ، بۇ ئالدىراش كۈنلەرمۇ ئۆتۈپ كېتەر.

‏ۋوردپرەس 3.5 نەشرى چىقىدۇ

مۇرشىدى — Fri, 30 Nov 2012 10:58:43 +0000

‏بۈگۈن ۋوردپرەس 3.5 نەشرىنىڭ 2- كاندىدات تارقىتىلما نەشرى چىقىپتۇ. ھەممە ئىش ئوڭۇشلۇق بولسا، رەسمىي نەشرى كېلەر ھەپتىنىڭ بېشىدا چىقىدىكەن. ئۇيغۇرچە تەرجىمىسىغۇ تەييار، لېكىن شۇ خەت نۇسخىسىنى تەڭشەپ سىناشقا ۋاقىت كېتىدۇ. ھازىرقى ئالدىراشچىلىقتا پات ئارىدا سىناشقا ۋاقىت چىقمايدىغاندەك، كېچىكتۈرۈپ تارقىتىشقا توغرا كېلىدىغاندەك قىلىدۇ.

40 مىليون نۇسخا

مۇرشىدى — Wed, 28 Nov 2012 13:51:44 +0000

‏رېيتېر ئاگېنتلىقىنىڭ خەۋىرىگە قارىغاندا، مىكروسوفت شىركىتى 26-ئۆكتەبىردە بازارغا سالغان ۋىندوۋس سەككىز مەشغۇلات سىستېمىسىنىڭ بىر ئاي ئىچىدىكى سېتىلىش مىقدارى 40 مىليون نۇسخىدىن ئاشقان.( مەنبە: MSN تورى، 2012年11月28日 08:17 (ロイター))

ۋوردپرەس 3.5 كاندىدات تارقىتىلما نەشرى

مۇرشىدى — Fri, 23 Nov 2012 02:35:31 +0000

بۈگۈن ‏قارىسام ۋوردپرەس ئورگان تورىدا 3.5 كاندىدات تارقىتىلما نەشرى تارقىتىلىپتۇ. رەسمىي نەشرى ئىككى ھەپتىدىن كېيىن چىقىدىكەن. يىل ئاخىرىدىكى ئالدىراشچىلىقلارغا گەپ توغرا كەلمەيۋاتقان ھازىرقىدەك ۋاقىتتا ئۇيغۇرچە تەرجىمىسىنى ماس قەدەمدە تارقىتىشقا مۇمكىن بولامدۇ- يوق، ھازىرچە بىر نەرسە دېگىلى بولمايدۇ. بىر- ئىككى ھەپتە كېچىكىپ كېتىشى ئېھتىمالغا يېقىن تۇرىدۇ.

ئايفون بەش

مۇرشىدى — Thu, 15 Nov 2012 10:20:06 +0000

‏يېڭى خىزمەتكە ئالمىشىپ ئۇزۇن ئۆتمەي شىركەتتىن ئايفون 4S ئېلىپ بېرىۋىدى. ئايفون بەش چىققاندىن كېيىن شىركەتتىن ھەممىمىزنىڭ ئايفونىنى بەشكە يېڭىلاپ بەردى. ئايفون بەش قوللايدىغان LTE ئالاقە ئۆلچىمىنىڭ سۈرئىتىگە گەپ كەتمەيدىكەن. تورغا تولا چىقىدىغان بولغاچقا، شۇ يېرىنى ئەڭ ياقتۇردۇم.

«ئاياق ئوغرىسى»

مۇرشىدى — Fri, 09 Nov 2012 10:19:10 +0000

تۈنۈگۈن ئىشخانىدىكىلەر ئىشتىن يېنىپ دومىلاتما توپ ئوينىغاندىن كېيىن بىر ياپونچە رېستۇراندا تاماق يېۋىدۇق. ئارىلىقتا باشقا ئورۇندا ئولتۇرغان بىز تونۇمايدىغان بىرەيلەن خاتالىشىپ بىر خىزمەتدىشىمىزنىڭ ئۆزىنىڭكىگە ئوخشاپ كېتىدىغان سومكىسىنى ئېلىپ، مېنىڭ ئايىقىمنى كىيىپ كېتىپ قاپتىكەن. بۈگۈن سومكا ۋە ئاياقنى ئەۋەتىپتۇ. قارىسام مېنى ساپما كەشتە قايتىشقا مەجبۇر قىلغانلىقىدىن ئەپۇ سوراپ ئەۋەتكەن مال سېتىۋېلىش كارتىسىغا ئوخشاش ئاياقتىن ئىككىسى كەلگۈدەك. بۇلارنىڭ مۇشۇنداق پەزىلىتى ئادەمنى ھەقىقەتەن قايىل قىلىدۇ.

ئۇ‏يغۇرچە ۋىندوۋس سەككىز

مۇرشىدى — Mon, 05 Nov 2012 16:40:42 +0000

‏تۆت كۆزىمىز بىلەن كۈتكەن پەيتلەر ئاخىرى يېتىپ كەلدى. مىكروسوفت شىركىتىنىڭ يېڭى ئەۋلاد مەشغۇلات سىستېمىسى بولغان ۋىندوۋس سەككىز رەسمىي سېتىلىشقا باشلىدى. بۇ سىستېمىنى ئۇيغۇر تىلىغا تولۇق تەرجىمە قىلىپ چىققان باھادىر ئوغلان ئالىم ئەھەت ئەپەندى ئالدىراشلىق ئىچىدىن ۋاقىت چىقىرىپ، بۇ سىستېمىنى سېتىۋېلىش- قاچىلاش قاتارلىقلار ھەققىدە تەپسىلىي چۈشەنچە بېرىپ تۇرۇۋاتىدۇ. بۇ ھەقتىكى ئەڭ يېڭى ئۇچۇرلارغا ھەر ۋاقىت دىققەت قىلىڭ: http://www.alimahat.com

ئايەم مۇبارەك

مۇرشىدى — Thu, 25 Oct 2012 23:23:45 +0000

بىلوگىمغا قەدەم تەشرىپ قىلىپ تۇرۇۋاتقان ئەزىز ئوقۇرمەنلەرنىڭ ئايىمىگە مۇبارەك بولسۇن! ھەممەيلەنگە سالامەتلىك، خاتىرجەملىك، خوشاللىق ۋە بەخت- ئامەت يار بولسۇن! ھەر بىر كۈننى ھېيت كۈنىدەك كۆڭۈللۈك ئۆتكۈزۈشكە نېسىپ بولسۇن!

ۋوردپرەس 15 مىڭ قېتىم چۈشۈرۈلدى

مۇرشىدى — Wed, 03 Oct 2012 14:05:03 +0000

ۋوردپرەس 3.4 نەشرى 14- ئىيۇندا تارقىتىلغاندىن تارتىپ ھازىرغىچە 3.4~3.4.2 نەشرىنىڭ 50 خىل تىلدىكى نەشرى جەمئىي 19 مىليون 520 مىڭ قېتىمدىن، ئۇيغۇرچە نەشرى 15 مىڭ قېتىمدىن ئارتۇق چۈشۈرۈلدى. ئۇنىڭ يېقىندا چىققان 3.4.2 نەشرىنىڭ ئۇيغۇرچە تارقىتىلمايدىغانلىقى ئاساسەن مۇقىملاشتى. نۆۋەتتە 3.5 نەشرىنىڭ 1- سىناق نۇسخىسىنى سىناش باشلاندى. كېيىنكى قېتىم 3.5 رەسمىي نەشرى ئۇيغۇرچە تارقىتىلىدۇ.

ئون نادىر بىلوگنى باھالاش باشلىنىپتۇ

مۇرشىدى — Mon, 01 Oct 2012 12:32:32 +0000

2008–يىلدىن بۇيان يۈكسەل بىلوگى تەشكىللەپ كېلىۋاتقان «ئۇيغۇرلاردىكى 10 چوڭ بىلوگ»نى باھالاش پائالىيىتى بۇ يىلدىن باشلاپ كومپيۇتېر ھەۋەسكارلىرى چەكلىك شىركىتىنىڭ مەسئۇللۇقىدا ئېلىپ بېرىلىدىكەن. نۆۋەتتە «ئۇيغۇرلاردىكى 2012-يىللىق 10 نادىر بىلوگنى باھالاش پائالىيىتى» نىڭ نامزات قوبۇل قىلىش باسقۇچى باشلىنىپتۇ.
مەنبە: كومپيۇتېر ھەۋەسكارلىرى مۇنبىرى http://bbs.xjcfan.com/thread-3031-1-1.html