تۇغۇلغاندىن تارتىپ تولۇقسىزنى تۈگەتكىچە دۆلەت مالىيىسىدىن ھەر بىر بالىغا ئېيىغا 13 مىڭ يېندىن بېرىلىدىغان ياردەم پۇلىنى بۇ يىل 9 مىليون 315 مىڭ 183 ئائىلە ئالغان، ئۇنىڭ 162 مىڭ 922 سى چەتئەللىكلەر ئىكەن.( مەنبە: ياخۇ خەۋەرلىرى)
ئۇلانمىنى قىسقارتىپ- ئاددىيلاشتۇرۇپ بېرىدىغان بۇ تور بەتلەر ئىشلەتكۈچىگە زور قولايلىقلارنى ئېلىپ كېلىدىكەن. http://bit.ly http://ow.ly
باش ۋەزىرنىڭ كۈندىلىك ئىش- پائالىيەتلىرى مىنۇتقىچە ئېنىقلىقتا خاتىرىلىنىپ، كېيىنكى كۈندىكى گېزىتلەرنىڭ مەخسۇس ئىستونىدا ئېلان قىلىنىپ تۇرىدىكەن.( مەنبە: تېلېۋىزىيە پروگراممىسى)
ئۇنى- بۇنى قىلىپلا بۈگۈنمۇ كەچ بولۇپ كەتتى. ھازىر ياتسام 4 سائەت ئۇخلىيالايدىكەنمەن.
تۆت ياشلىق قىزىنىڭ يالىڭاچ رەسىمىدىن ئالتە پارچىنى 31600 يېنغا ساتقان 27 ياشلىق ئىشسىز ئايال «نارەسىدىلەرنىڭ نومۇسىنى سېتىشىنى چەكلەش قانۇنى» بويىچە قولغا ئېلىنغان.( مەنبە: ياخۇ خەۋەرلىرى)
دۆلەتلىك رەسەتخانا ۋە توكيو ئۇنىۋېرسىتېتىدىكى تەتقىقاتچىلار بۈگۈن، 8 مىليارد نۇر يىلى يىراقلىقتىكى يىلىغا 1000 دىن ئارتۇق يېڭى يۇلتۇز پەيدا بولىدىغان سامانيولىدىن 196 نى بىراقلا بايقىغانلىقىنى ئېلان قىلغان.( مەنبە: ياخۇ خەۋەرلىرى)
نىنتېندو شىركىتى ئۆزىنىڭ كۆزەينەك كەتمەيدىغان يېڭى مەھسۇلاتى – نىنتېندو 3DS نى كېلەر يىلى 26- فېۋرالدىن باشلاپ 25 مىڭ يېندىن ساتىدىغانلىقىنى ئاشكارىلىغان. http://bit.ly/dC69wY
تۇنجى ئىنكاسنى ئېھتىياتسىزلىقتىن ئۆچۈرۈپ تاشلاپتىمەن. ئىنكاس ئىگىسىنىڭ كۆڭلىگە ئالماسلىقىنى ئۈمىد قىلىمەن.
ناشتىنىڭ ئۈچەي ۋە ئاشقازانغا نىسبەتەن كەم بولسا بولمايدىغانلىقى ياپونىيىنىڭ تەتقىقاتلىرىدىمۇ ئىسپاتلانغان. ئۈچەينى ئاسراش ئۈچۈن يەنە يېتەرلىك دەرىجىدە بەدەن چېنىقتۇرۇش ۋە ھەر كۈنى بىر لىتىردىن كۆپ ئۇسسۇزلۇق ئىچىش لازىم ئىكەن.( مەنبە: تېلېۋىزىيە پروگراممىسى)
پۈتۈن ياپونىيىدە ھازىر ئىشلەۋاتقان دوختۇر سانى 167063 بولۇپ، يەنە 24 مىڭ دوختۇر يېتىشمەيدىكەن. http://bit.ly/cTKCHA
كيوتو ئۇنىۋېرسىتېتى قارىمىقىدىكى دوختۇرخانىدا، بالنىستتا يېتىۋاتقان ئايال بىمارغا ئېشىپ قالغان ئىنسۇلىننى ئوكۇل قىلىپ ئۇرۇپ، قان قەنتى تۆۋەنلەشنى كەلتۈرۈپ چىقارغان سېستىراغا 3 يىللىق قاماق جازاسى بېرىلگەن.( مەنبە: ياخۇ خەۋەرلىرى)
ئاكىخىتو ساماۋىي شاھ ئوردا ئىچىدە ئۆزى ئۆستۈرگەن ئىككى خىل سورتلۇق شالنى بۈگۈن ئۆزى ئورۇپ چىققان. ئېلىنغان ھوسۇل ئوردا ئىچىدىكى مۇراسىملاردا ئىشلىتىلىدىكەن.( مەنبە: ياخۇ سۈرەتلىك خەۋەرلىرى)
دۇنيادىكى ئەڭ چوڭ ھاۋارايى خەۋەر مۇلازىمىتى شىركىتى بولغان Weather News ياپونىيىنىڭ چىبا ناھىيىسىدە، بۇ تۈردىكى مۇلازىمەتتە دۇنيادا %80 بازارنى ئىگىلىگەن. ئۆزىنىڭ سۈنئىي ھەمراھلىرىمۇ بار.( مەنبە: تېلېۋىزىيە پروگراممىسى)
بۇ يىل يازدىكى قاتتىق ئىسسىقتا، ئىسسق ئۆتۈپ كېتىش سەۋەبىدىن پۈتۈن ياپونىيىدە جەمئىي 170 ئادەم ھاياتىدىن ئايرىلغان.( مەنبە: تېلېۋىزىيە پروگراممىسى)
ئۆزى تاماكا چەكمەيدىغانلاردىن ھەر يىلى 6800 كىشى باشقىلارنىڭ تاماكىسىدىن زەھەرلىنىپ، ئۆپكە راكى ۋە يۈرەك مۇسكۇل تىقىلمىسى قاتارلىق كېسەللىكلەر سەۋەبىدىن ئۆلۈپ كېتىدىغانلىقى ئېنىقلانغان. بۇلارنىڭ يېرىمىدىن كۆپرەكى ئىش ئورنىدا زەھەرلىنىدىكەن.( مەنبە: ياخۇ خەۋەرلىرى)
ئەمدى ياپونىيە ئىقتىساد گېزىتىنىڭ ئېلېكترونلۇق نۇسخىسىنى ئايفون ۋە شارپ شىركىتىنىڭ يېڭى مەھسۇلاتى «گالاپاگوس» تىمۇ ئوقۇغىلى بولىدىكەن. http://bit.ly/dwZhZr
ئايال ئارتىست 藤原紀香 – نورىكا فۇجىۋارا BS ئاساخى تېلىۋىزىيىسىنىڭ جۇڭگو- ياپونىيە بىرلىكتە ئىشلىگەن «ئەپسانىۋىي گۈزەل- ياڭ گۇيفېي» پروگراممىسىدا ياڭ گۇيفېينىڭ رولىنى ئالىدىكەن. http://bit.ly/aaqhxG
تۈنۈگۈن كەچتىن باشلاپ ياغقان يامغۇر تېخىچە توختىمىدى. دېڭىز قۇيۇنىغۇ كەلمىدى بولمىسا…
چۈشكىچە ياغىدىغاننىڭ گېپى بار…
بۈگۈن مۇشۇنچىلىك يازاي. ئەتە كۆرۈشەيلى، ئىنشائاللاھ.
كيوتودا 37 ياشلىق بىر ئەر ھۆججەت ھەمبەھر دېتالى Winny ئارقىلىق بەش يىل جەريانىدا 21500 كىنونى كىنوخانىلاردا قويۇلۇشتىن بۇرۇن قانۇنسىز تارقاتقانلىقى سەۋەبىدىن نەشر ھوقۇقىغا خىلاپلىق قىلىش جىنايىتىنىڭ گۇماندارى سۈپىتىدە قولغا ئېلىنغان.( مەنبە: ياخۇ خەۋەرلىرى)
